Aditya Kavacham in Telugu– శ్రీ ఆదిత్య కవచం

అస్య శ్రీ ఆదిత్యకవచస్తోత్రమహామంత్రస్య అగస్త్యో భగవానృషిః అనుష్టుప్ఛందః ఆదిత్యో దేవతా శ్రీం బీజం ణీం శక్తిః సూం కీలకం మమ ఆదిత్యప్రసాదసిద్ధ్యర్థే జపే వినియోగః |

ధ్యానం –
జపాకుసుమసంకాశం ద్విభుజం పద్మహస్తకమ్ |
సిందూరాంబరమాల్యం చ రక్తగంధానులేపనమ్ || ౧ ||

మాణిక్యరత్నఖచితసర్వాభరణభూషితమ్ |
సప్తాశ్వరథవాహం తు మేరుం చైవ ప్రదక్షిణమ్ || ౨ ||

దేవాసురవరైర్వంద్యం ఘృణిభిః పరిసేవితమ్ |
ధ్యాయేత్ పఠేత్ సువర్ణాభం సూర్యస్య కవచం ముదా || ౩ ||

అథ కవచం –
ఘృణిః పాతు శిరోదేశే సూర్యః పాతు లలాటకమ్ |
ఆదిత్యో లోచనే పాతు శ్రుతీ పాతు దివాకరః || ౪ ||

ఘ్రాణం పాతు సదా భానుః ముఖం పాతు సదా రవిః |
జిహ్వాం పాతు జగన్నేత్రః కంఠం పాతు విభావసుః || ౫ ||

ద్వాదశాత్మా కటిం పాతు సవితా పాతు సక్థినీ |
ఊరూ పాతు సురశ్రేష్ఠో జానునీ పాతు భాస్కరః || ౬ ||

స్కంధౌ గ్రహపతిః పాతు భుజౌ పాతు ప్రభాకరః |
కరావబ్జకరః పాతు హృదయం పాతు నభోమణిః || ౭ ||

జంఘే మే పాతు మార్తాండో గుల్ఫౌ పాతు త్విషాం పతిః |
పాదౌ దినమణిః పాతు పాతు మిత్రోఽఖిలం వపుః || ౮ ||

సంవత్సరముపాసిత్వా సామ్రాజ్యపదవీం లభేత్ |
అశేషరోగశాంత్యర్థం ధ్యాయేదాదిత్యమండలమ్ || ౯ ||

ఆదిత్యకవచం పుణ్యమభేద్యం వజ్రసన్నిభమ్ |
సర్వరోగభయాదిభ్యో ముచ్యతే నాత్ర సంశయః || ౧౦ ||

ఆదిత్య మండల స్తుతిః –
అనేకరత్నసంయుక్తం స్వర్ణమాణిక్యభూషణమ్ |
కల్పవృక్షసమాకీర్ణం కదంబకుసుమప్రియమ్ || ౧౧ ||

సిందూరవర్ణాయ సుమండలాయ
సువర్ణరత్నాభరణాయ తుభ్యమ్ |
పద్మాదినేత్రే చ సుపంకజాయ
బ్రహ్మేంద్ర-నారాయణ-శంకరాయ || ౧౨ ||

సంరక్తచూర్ణం ససువర్ణతోయం
సకుంకుమాభం సకుశం సపుష్పమ్ |
ప్రదత్తమాదాయ చ హేమపాత్రే
ప్రశస్తనాదం భగవన్ ప్రసీద || ౧౩ ||

ఇతి శ్రీ ఆదిత్య కవచమ్ |

మరిన్ని శ్రీ సూర్య స్తోత్రాలు చూడండి.