Sri Rama Pancharatnam – శ్రీ రామ పంచరత్నం

కంజాతపత్రాయతలోచనాయ
కర్ణావతంసోజ్జ్వలకుండలాయ |
కారుణ్యపాత్రాయ సువంశజాయ
నమోఽస్తు రామాయ సలక్ష్మణాయ || ౧ ||

విద్యున్నిభాంభోదసువిగ్రహాయ
విద్యాధరైః సంస్తుతసద్గుణాయ |
వీరావతారాయ విరోధిహంత్రే
నమోఽస్తు రామాయ సలక్ష్మణాయ || ౨ ||

సంసక్తదివ్యాయుధకార్ముకాయ
సముద్రగర్వాపహరాయుధాయ |
సుగ్రీవమిత్రాయ సురారిహంత్రే
నమోఽస్తు రామాయ సలక్ష్మణాయ || ౩ ||

పీతాంబరాలంకృతమధ్యకాయ
పితామహేంద్రామరవందితాయ |
పిత్రే స్వభక్తస్య జనస్య మాత్రే
నమోఽస్తు రామాయ సలక్ష్మణాయ || ౪ ||

నమో నమస్తేఽఖిలపూజితాయ
నమో నమశ్చంద్రనిభాననాయ |
నమో నమస్తే రఘువంశజాయ
నమోఽస్తు రామాయ సలక్ష్మణాయ || ౫ ||

ఇమాని పంచరత్నాని త్రిసంధ్యం యః పఠేన్నరః |
సర్వపాపవినిర్ముక్తః స యాతి పరమాం గతిమ్ || ౬ ||


ఇతి శ్రీశంకరాచార్య విరచిత శ్రీరామపంచరత్నమ్ |

మరిన్ని శ్రీ రామ స్తోత్రాలు  పరిశీలించండి.