Sri Ayyappa Pancharatnam – శ్రీ అయ్యప్ప పంచరత్నం

లోకవీరం మహాపూజ్యం సర్వరక్షాకరం విభుమ్ |

పార్వతీ హృదయానందం శాస్తారం ప్రణమామ్యహమ్ || ౧ ||

విప్రపూజ్యం విశ్వవంద్యం విష్ణుశంభోః ప్రియం సుతమ్ |

క్షిప్రప్రసాదనిరతం శాస్తారం ప్రణమామ్యహమ్ || ౨ ||

మత్తమాతంగగమనం కారుణ్యామృతపూరితమ్ |

సర్వవిఘ్నహరం దేవం శాస్తారం ప్రణమామ్యహమ్ || ౩ ||

అస్మత్కులేశ్వరం దేవమస్మచ్ఛత్రువినాశనమ్ |

అస్మదిష్టప్రదాతారం శాస్తారం ప్రణమామ్యహమ్ || ౪ ||

పాండ్యేశవంశతిలకం కేరళే కేళివిగ్రహమ్ |

ఆర్తత్రాణపరం దేవం శాస్తారం ప్రణమామ్యహమ్ || ౫ ||

పంచరత్నాఖ్యమేతద్యో నిత్యం శుద్ధః పఠేన్నరః |

తస్య ప్రసన్నో భగవాన్ శాస్తా వసతి మానసే || ౬ ||

ఇతి శ్రీ శాస్తా పంచరత్నమ్ |

మరిన్ని శ్రీ అయ్యప్ప స్తోత్రాలు చూడండి.