Arunachala Ashtakam in Telugu– అరుణాచలాష్టకం

దర్శనాదభ్రసదసి జననాత్కమలాలయే |
కాశ్యాం తు మరణాన్ముక్తిః స్మరణాదరుణాచలే || ౧ ||

కరుణాపూరితాపాంగం శరణాగతవత్సలమ్ |
తరుణేందుజటామౌలిం స్మరణాదరుణాచలమ్ || ౨ ||

సమస్తజగదాధారం సచ్చిదానందవిగ్రహమ్ |
సహస్రరథసోపేతం స్మరణాదరుణాచలమ్ || ౩ ||

కాంచనప్రతిమాభాసం వాంఛితార్థఫలప్రదమ్ |
మాం చ రక్ష సురాధ్యక్షం స్మరణాదరుణాచలమ్ || ౪ ||

బద్ధచంద్రజటాజూటమర్ధనారీకలేబరమ్ |
వర్ధమానదయాంభోధిం స్మరణాదరుణాచలమ్ || ౫ ||

కాంచనప్రతిమాభాసం సూర్యకోటిసమప్రభమ్ |
బద్ధవ్యాఘ్రపురీధ్యానం స్మరణాదరుణాచలమ్ || ౬ ||

శిక్షయాఖిలదేవారి భక్షితక్ష్వేలకంధరమ్ |
రక్షయాఖిలభక్తానాం స్మరణాదరుణాచలమ్ || ౭ ||

అష్టభూతిసమాయుక్తమిష్టకామఫలప్రదమ్ |
శిష్టభక్తిసమాయుక్తాన్ స్మరణాదరుణాచలమ్ || ౮ ||

వినాయకసురాధ్యక్షం విష్ణుబ్రహ్మేంద్రసేవితమ్ |
విమలారుణపాదాబ్జం స్మరణాదరుణాచలమ్ || ౯ ||

మందారమల్లికాజాతికుందచంపకపంకజైః |
ఇంద్రాదిపూజితాం దేవీం స్మరణాదరుణాచలమ్ || ౧౦ ||

సంపత్కరం పార్వతీశం సూర్యచంద్రాగ్నిలోచనమ్ |
మందస్మితముఖాంభోజం స్మరణాదరుణాచలమ్ || ౧౧ ||


ఇతి శ్రీఅరుణాచలాష్టకమ్ ||

మరిన్ని శ్రీ శివ స్తోత్రాలు చూడండి.

Follow the Stotra Sampada (స్తోత్రసంపద) channel on WhatsApp:  Stotra Sampada