Kalabhairava Ashtakam in telugu – కాలభైరవాష్టకం

శ్లో॥ దేవరాజ సేవ్యమాన పావనాంఘ్రపంకజం 

వ్యాళ యజ్ఞ సూత్ర మిందుశేఖరం కృపాకరం | 

నారదాది యోగిబృందవందితం దిగంబరం 

కాశికాపురాధినాథ కాలభైరవం భజే ॥

శ్లో॥ భానుకోటి భాస్వరం భవాబ్ధి తారకం పరం 

నీలకంఠ మీప్సితార్థదాయకం త్రిలోచనం | 

కాలకాలమంబు జాక్షమక్షశూలమక్షరం 

కాశికాపురాధినాథ కాలభైరవం భజే ॥

శ్లో॥ శూల టంక పాశ దండపాణి మాదికారణం 

శ్యామకాయమాదిదేవమక్షరం నిరామయం । 

భీమవిక్రమం ప్రభుం విచిత్ర తాండవ ప్రియం 

కాశికాపురాధినాథ కాలభైరవం భజే ॥

శ్లో॥ భుక్తి ముక్తిదాయకం ప్రశస్త చారు విగ్రహం 

భక్తవత్సలం స్థిరం సమస్త లోకవిగ్రహం | 

నిక్వణన్మనోజ్ఞ హేమకింకిణీల సత్కటిం 

కాశికాపురాధినాథ కాలభైరవం భజే ॥

శ్లో॥ ధర్మసేతు పాలకం త్వధర్మమార్గ నాశకం 

కర్మపాశ మోచకం సుశర్మ దాయకం విభుం । 

స్వర్ణవర్ణ కేశపాశ శోభితాంగ నిర్మలం 

కాశికాపురాధినాథ కాలభైరవం భజే ॥

శ్లో॥ రత్నపాదుకా ప్రభాభిరామపాద యుగ్మకం 

నిత్యమద్వితీయ మిష్టదైవతం నిరంజనం | 

మృత్యుదర్పనాశనం కరాళ దంష్ట్ర భీషణం 

కాశికాపురాధినాథ కాలభైరవం భజే ॥

శ్లో॥ అట్టహాసభిన్న పద్మజాండకోశ సంతతిం 

దృష్టిపాతనష్ట పాపజాలముగ్ర శాసనమ్ । 

అష్టసిద్ధిదాయకం కపాలమాలికాధరం 

కాశికాపురాధినా కాలభైరవం భజే ॥

శ్లో॥ భూతసంఘనాయకం విశాల కీర్తిదాయకం 

కాశివాసి లోకపుణ్య పాపశోధకం విభుం ! 

నీతిమార్గ కోవిదం పురాతనం జగత్ప్రభుం 

కాశికాపురాధినాథ కాలభైరవం భజే ॥

కాలభైరవాష్టకం పఠంతి యే మనోహరం
జ్ఞానముక్తిసాధకం విచిత్రపుణ్యవర్ధనమ్ |
శోకమోహదైన్యలోభకోపతాపనాశనం
తే ప్రయాంతి కాలభైరవాంఘ్రిసన్నిధిం ధ్రువమ్ || ౯ ||

ఇతి శ్రీమచ్ఛంకరాచార్య విరచితం కాలభైరవాష్టకం సంపూర్ణమ్ |

మరిన్ని శ్రీ శివ స్తోత్రాలు చూడండి.

Follow the Stotra Sampada (స్తోత్రసంపద) channel on WhatsApp:  Stotra Sampada